Táragasæði

Ég vona sannarlega að ég hagi mér vel fyrir framan löggu í framtíðinni... gæti barasta verið spreyjaður.

 Hvað hefði Lögregla án táragas gert???

Í vegi fyrir glæsihúsi

Athugasemdir

[Gunnar (IP-tala skráð) 15.4.2009 kl. 14:32]

Þetta var vel gert hjá lögreglunni. En við eigum rétt á að vita hver kostnaður lögreglunnar sé af þessum aðgerðum.

Ég er ekki til í að greiða fyrir veisluhöld þessa hústökufólks. Búinn að greiða nóg á þessum vetri af annarra manna veislum.

G.

[Tinna Gunnarsdóttir Gígja, 15.4.2009 kl. 19:02]

Gunnar: er ekki margbúið að útskýra þetta fyrir þér? Hústökufólkið skemmdi ekkert. Lögreglan réðst inn með miklu offorsi, að kröfu 'eiganda' (sem er einmitt í hópi þeirra sem héldu stærstu sukkveislurnar síðustu ár) og olli stórfelldum skemmdum á húsnæðinu, auk kostnaðarins við launagreiðslur, gasnotkun og búningahreinsun.

Þetta styður þú. Með stuðningi við þessar aðgerðir, sem er annaðhvort hægt að skrifa á 'eigendur' hússins eða lögreglu, ertu í raun og veru að samþykkja að borga fyrir þær.  Þú getur ekki heimtað lögregluaðgerðir gegn samborgurum þínum en neitað að borga fyrir þær.

[Eggert J. Eiríksson, 16.4.2009 kl. 01:13]

Ég ætlaði nú alls ekki að blanda mér í umræður um þetta mál, en þegar ég sé að Höddi félagi minn er hérna að skrifa þá stóðst ég ekki mátið..

Ég er nú ekkert hlynntur því að menn geti keypt upp hluta af hverfi og ekki gert neitt svo frekar í því, en það mátti nú búast við því að það hægði á framkvæmdum þarna eins og annarstaðar á suðvestur horninu, réttlætir samt ekki að fólk taki yfir húsnæði..

KOMMON hvað er að ??

Málið er nú bara það, hvort sem það er hústaka, mótmæli við Austurvöll eða hvað eina sem fólk tekur sér fyrir hendur, þá gilda lög í landinu og flest þessara laga grundvalla hugtökin "þjóðfélag" "samfélag" "eignaréttur" og svo má tala um rétt manna til að kaupa og eiga eignir..

Ef þessi lög fá að vera brotin kannski "bara smá" til að byrja með þá veit enginn hvernig málin enda, ég myndi þá amk fljótlega fara vopnaður upp í fjöllin og bíða af mér óöldina í góðum helli, en nóta bene EFTIR að ég væri búinn að birgja eign mína vandlega eða tryggja hana vel með búbbýtraps

Kv EJE

[Tinna Gunnarsdóttir Gígja, 16.4.2009 kl. 01:21]

Og Eggert mætir sterkur inn með gömlu góðu 'slippery slope' rökin.

Hústaka hefur tíðkast víða um heim - þú þarft ekki að líta lengra en til Danmerkur til að sjá hústöku sem heppnaðist vel (a.m.k. þar til afturhaldsöflin fóru að skipta sér af)- og er víða lögleg. Í Hollandi er t.d. ákveðinn lagarammi sem hefur gefist vel, og ekki er allt farið til fjandans þar. Þú hefur kannske minni trú á Íslendingum en Hollendingum, Spánverjum, Dönum, Norðmönnum og Bretum?